Buddha sin fødselsdag

Buddha sin fødselsdag!
Buddha sin fødselsdag kjem i år på andre pinsedag, ein heilagdag i kristendomen, men me vil feira han likevel.
Buddha sin fødselsdag var ein av dei store merkedagane i tempelet Gul Gulsa der Svein Ivar heldt til i 6 år, no vil han vidareføra denne fine tradisjonen  i sitt nye liv her i Noreg. Det vert sjølvsagt ikkje same festivitasen her som i tempelet men alle dei viktigaste ritane er med.
Vil de oppleva litt ekte Buddhisme så kan de ta turen oppom og vera med på bøna og fødselsdagsritualet, dette er gratis men det er høve å gje ein skjerv til utbreiinga av den Buddhistiske læra her på Voss.
Me vil også laga til Koreansk mat, og det skal vera ein te seremoni, desse kostar litt men er absolutt innan rimelegheita sine grenser (sjå lysing)
Ta turen oppom og ta del i ei lære som aldri har starta ein krig!

Buddha sin fødselsdag!


Me feirer Buddha sin fødselsdag på mandag 28.05

1600 ankomst

1630 Zen talk

1710 middag, Koreansk mat, kr 350,-

1820 meditasjon bön

1900 buddha sin fødselsdag rituale, offer til utbreiing av Buddhismen

1930 te seremoni, kr 150,-

Hjarteleg velkomne til Buddhistar og andre

17 mai meny og meny veke 20

Då har me omsider menyen klar for 17. mai og resten av veka.
Me har som sagt vald å ikkje ha buffet men ein god a la carte meny. Mykje god mat her så ta gjerne  turen oppom for ei fin avslutting på den store dagen.

Meny veke 20

Forrettar

Tomat og Mozzarella salat med Store Ringheim spekekjøt og pesto.

Kr 100,-

Nordafrikansk lambasuppe med heimelaga brød.

Kr 90,-

*

Hovudrettar

Langsteikt lambafilet med krydderpoteter og raudvinssaus.

Kr 310,-

Steikt kvitfisk med pesto og grøne linser i kvitvinssaus.

Kr 275,-

*

Dessertar

Heimalaga creme brulee

Kr 95,-

Ostatallerken med 3 typar ost, frukt og kjeks.

Kr 110,-

Is frå Alm Gard

Kr 90,-

17. mai

Me har omsider bestemt oss for å ha ope på 17. mai i år. Me ligg eitt stykke utanføre sentrum der feiringa av dagen går føre seg på dagtid så me opnar ikkje før på ettermiddagen, kl 16.00 for å vera korrekt.

Me ser at dei fleste konkurrentane satsar på spekemat og buffet, difor satsar me litt annleis og har a la carte meny med kanskje litt nasjonale innslag - me får sjå, menyen vert publisert litt seinare i veka, den er ikkje ferdig enno.

Har det vore ein hard dag i sentrum med tradisjonell blest og regn eller ein varm dag i bunaden så vil det uansett vera godt å ta seg ein tur til oss om kvelden, eta eit godt måltid med litt god vin eller godt øl og lata oss pusla om dekan.

Ring 95406135 og ting ei perfekt avslutting på dagen.

Hipp hipp :)

Meny veke 19

Då er menyen klar for denne veka og såvidt eg ser så er det absolutt verdt ein tur opp hit for ein triveleg kveld med god mat.
Me har ope frå kl 17.00 til kl 22.00 fredag og laurdag på kjøkenet og så lenge det er folk i puben eller til maks 02.30. Søndagen opnar me kl 15.00 og har ope til kl 20.00 med matservering og litt lenger i puben.
Ta turen då vel :)

Meny veke 19

Forrettar

Kylling og aspargessuppe med kokosmjølk

Kr 95,-

Grønsaksalat med steikt geitost og dressing

Kr 95,-

Hovudrettar

Langsteikt fårefilet, bakt potet med kvitlauksmør, raudvinssaus og grønsaker

Kr 310,-

Dampa kvitfisk med grønsaker og grøne linser servert med sjømatsaus

Kr 285,-

Dessertar

Heimalaga Tiramisu

Kr 110,-

Ostatallerken med tre typar ost, kjeks og frukt

Kr 110,-

Is frå Alm Gard

Kr 90

Meny veke 16

Me har ny meny!
Mykje godt her om de tek turen oppom. Me har ope fredag - søndag 17.00 - 22.00 (15.00 - 20.00) puben så lenge det er folk inntil 02.30 :)

Meny veke 16

 Forrettar:

Oksecarpaccio med ruccola, Parmesan ost og ansjosolje.

Kr 110,-

Sjømatcocktail, kamskjel, scampi og reker i salatmix.

Kr 110,-

 Hovudrettar:

Langsteikt hjortafilet, potet/fennikel purée, grønsaker og skogssoppsaus.

Kr 330,-

Steikt laks med pesto, potetpai, grønsaker og sjømatsaus.

Kr 280,-

 Dessertar:

Sjokoladefondant.

Kr 90,-

Ostatallerken med tre typar ost, frukt og kjeks.

Kr 100,-

Is frå Alm gard.

Kr 90,-

Meny veke 15

Her er menyen denne veka, som de sikkert legg merke til så har me ikkje lambafilet på menyen denne veka. Det er byrja å minka litt på det så me satsa på godt oksekjøt frå Selheim i staden for.
På laurdag har me fullt hus så då er det ikkje ope for  a la carte men på fredag og søndag er det ope som vanleg.
Her er menyen:

Meny veke 15

 Forrettar:

Melon og Serrano rullettar med salat og balsamiko saus.

                                                                           Kr 100,-

Steikt kvit Undredalsost med grønsaksalat.

                                                                           Kr 110,-

Hovudrettar:

Roasbeef av indrefilet frå Selheim med pommes duchess og skogssoppsaus.

                                                                            Kr 310,-

Dampa torsk med grønsaker og ris.

                                                                            Kr 280,-

Dessertar:

Mascarpone dessert med mango.

                                                                                   Kr 100,-

Ostatallerken med tre typar ost, frukt og kjeks.

                                                                                    Kr 100,-

Is frå Alm gard.

                                                                                    Kr 90,-

18.04 "Det sorte gullet"

Det sorte gullet er i dette tilfellet ikkje olja frå Nordsjøen men vår eigen indre bagasje av frustrasjonar, nevrosar, angst og anna som me helst ikkje snakkar om.
Den 18.04 kjem Arild Brakstad her og han vil snakka om dette til gangs, snakka om korleis hans indre demonar og nevrosar vart snudde til ei positiv skapande kraft. I ein monolog som kallar på både gapskratt og tårer vil han visa oss kor gale det kan vera og kva godt som kan koma ut av det.

Framsyninga varar frå kl 19.00-22.00 og kostar kr 150,- pr pers.
Påmelding på 95406135 eller stikk innom, billettsal i døra.

Gå ikkje glipp av denne kvelden! Få ein føresmak i linken nedanføre :)

"Det sorte gullet"

Påskemeny og program

No i Påsken vert det litt endringar. For det første har me ope i to dagar ekstra ved at me opnar allereie onsdag og for det andre har me Pinnakjøtkvelden på Skjærtorsdag. Den kvelden ser ut til å verta ein veldig kjekk kveld der me har fått ein del respons men det er framleis plass til fleire - rimelegare pinnakjøt middag basert på skikkeleg heimarøykt pinnakjøt skal det leitast lenge etter, berre 200,- pr pers for mat og underhalding!
Resten av Påsken har me a la carte i restauranten, det er ope for matservering frå 17.00 til 22.00 medan puben er open så lenge det er folk eller fram til 02.30. Der har me også den sikraste Påskesola uansett langtidsvarsel - nemlig Påskesol frå Ægir :)

Her er menyen:

Påskemeny

Forrettar:

Påskekjukling med vaktelegg og steikte poteter og salat.

Kr 110,-

Nordafrikansk lambasuppe med kikerter og mynte.

Kr 95,-

Steikt Scampi med kvitlauksmør, servert med toast, chili majones og salat.

Kr 100,-

Hovudrettar

Langsteikt lambafilet server med polenta, asparges og bacon rullettar og skogsoppsaus.

Kr 310,-

Kvitvinsdampa Salmalaks server med grønsaker og grøne linser.

Kr 285,-

Dessertar

Steikt Camembert servert med bringebærsaus og bærsorbet.

Kr 110,-

Ostetallerken med tre typar ost, frukt og kjeks.

Kr 100,-

Is frå Alm Gard

Kr 90,-

Pinnakjøtkvelden program

Då er programmet for pinnakjøtkvelden klart;

• 18.30 og utover ankomst
• 19.30 servering av pinnakjøtmiddag
• 20.30 kaffi
• 21.00 kulturelt innslag med Jon Aske som syng vossasongar og fortel sannsoger
• 21.30 musikk via musikkanlegget vårt og kanskje dans?

Hjarteleg velkomne til ein hyggeleg start på Påsken og ein offisiell avslutning på vetturen.

Vossajazz meny

Komande helg er det jazzen som står i fokus her på Voss.
Tre heile dagar vil det aula med jazzelskarar og andre musikkelskarar her i bygda og me vonar at nokre av dei vil setja pris på eit godt måltid i fred og ro før opplevingane om kvelden og utover natta.
Me har komponert ein meny som skulle passa dei fleste, besta ølutvalet på Voss eit nøye utvald vintilbod som passar rettane skulle sikra ei god oppleving.
I tillegg vil me gje eit ekstra godt tilbod til trufaste medarbeidarar på Jazzen og trufaste publikummarar med festivalpass - 10% rabatt mot å visa fram teikn på at dei er ein av delene.
Legg inn ein pustepause i festivalkavet og stikk oppom då vel :)

Meny veke 13

 Forrettar

Krema traktkantarellsuppe

Kr 90,-

Serrano skinke med melon og Undredals kvitost

Kr 100,-

Hovudrettar

Lambafilet med Hasselbackpoteter, grønsaker og traktkantarellsky.

Kr 310,-

Salmalaks med purrefondant, soyasky og blomkålpurée.

Kr 285,-

  

Dessertar

Sjokoladetrøflar med bær i følgje med Lynchburg Cask Porter

Kr 110,-

 Ekte heimalaga créme Brulée med bær og is frå Alm Gard.

Kr 105,-

Pinnakjøt - sesongavslutting!

Jola varar heilt til påske heiter det i ein kjend jolasong, og i eitt høve stemmer det faktisk. I vår familie har me alltid hatt som tradisjon at resten av pinnakjøtet frå jola vert ete opp i påsken og slik vil me ha da i restauranten og. Difor har me sesongslutt for fjorårets pinnakjøt på Skjærtorsdag.
Me har vel att kjøt til vel 40 personar så me kan trygt sei det er avgrensa med plassar så det gjeld å vera tidleg ute :)
Tilbodet er:

Pinnakjøtmiddag med Skårakorv,

Nepestappa, poteter

og kaffi etterpå

Kr 200,-

Me har sjølvsagt matchande drikka nett so før jol så dette kan verta ein bra kveld og ein fin start på påsken.

Alt pinnakjøtet vårt er sjølvsagt salta og røykt på garden her og laga av Vestlandslam frå Nortura.

Skal de heim til Voss i påsken eller kanskje de høyrer til dei som aldri reiste ut - uansett - ring 95406135 og ting og få ein god start på påsken :)

Damekvelden

Damekvelden gjekk veldig bra. Ein god gjeng med engasjerte damer fekk god instruksjon i korleis dei kan kle seg smart av Liv Jorunn Solstad. Sveisen Frisør hadde klar eit par modellar og demonstrerte på dei ulik styling og kom med mange gode råd om hårstell. Og til sist men ikkje minst - Harmoni hadde eir rad gode råd og tips om behandlingar for allslags hud og hudvanskar.
Me stilte opp med god, sprudlande sider frå Ulvik til aperitif og tapas.
Alle gjekk med ein stor smil om munnen og ser de nokre ekstra fjonge damer på Vangen i næraste framtid - ja, så er sjansen stor for at dei har vore på damekveld hjå oss :)
Me vil arrangera ein ny etter sommaren ein gong så då gjeld det å vera om seg damer :)