Hotelldrift

Hotellet vårt har vist seg å vera svært populært, heldigvis.
Ifrå ein forsiktig oppstart tak det litt av då me melde oss inn i Booking.com og me har sidan vore rimeleg opptekne både i restaurant og hotell, gjestene skal då ha mat sjølvsagt:)

Det er triveleg og kjekt å møta så mykje kjekke folk frå heila verda, litt utfordrande med kommunikasjonen av og til men me har då både fingrar og armar når orda ikkje strekk til.

I september og oktober som er lågsesongen vår har me skikkeleg gode prisar så om nokon av dykk vyrde lesarar skulle få lyst å prøva ei natt eller to er det berre å ringja 95406135, me skal gjera vårt beste for å gje dykk ei god oppleving.

Kanskje de vil prøva dette rommet som er vel 300 år gamalt?

Eller dette som berre er 150?

 

Bilete Store Ringheim Hotell

Då har me vorte heilt ferdige med det vesle hotellet vårt:)

Kokken vår, Darius Adomaitis, er også ein flink fotograf og han har teke bilete frå romma som me skal bruka i marknadsføringa.

De kan sjå dei nedanføre, eg har lagt til bilettekst så de kan sjå kva rom som er på biletet, romma har ikkje nummer men navn etter kva dei var i huset sitt tidlegare liv.

Inngang

Stovo

Stovo

Eitt av baderomma

Kjøkjen

Eldhuset

Eldhuset



Eldhuset

Kammerset




Kammerset

Gangen og troppe



Lemmen

Lemmen



Lemmen



Gangen



Øpstelemmen



Øpstelemmen



Øpstelemmen

Øpstelemmen

Øpstelemmen

Øpstelemmen

Bad Øpstelemmen

 

Opning 1. juli:)

Med atterhald om godkjenning tek me sikte på å opna det minste hotellet på Voss (med god margin) den 01.07.

Då har me bygd i over eit år og er rimeleg fornøgde med å sjå eit ryddig tun utan (kjekke) handverkarar som svermar rundt.

Hotellet inneheld 6 rom; Eldhuset, Kjøkjen, Stovo, Lemmen, Kammerset og Øpstelemmen. Navna har dei etter kva dei heitte før då huset var våningshus for to generasjonar.

Romma er ulike både i storleik og utsjånad. Stovo og Lemmen er romslege rom med trekvite, skurte tømmervegger, vedomn og utsikt utover tunet og Horndalsnuten.
Kjøkjen og Lemmen er mindre med vegger delvis med tømmer, delvis tapetsert eller målt, utsikta her er vestover mot Hanguren.
Øpstelemmen er heila loftet, kvite vegger og tak og med fin utsikt mot hagen og Lundarvatnet/Knostabygda.
Til sist har me perla i huset - Eldhuset. Dette er opprinneleg ei gamal årestove frå første halvdel av 1700 talet. Då eg var liten var det her ein stor peis der det vart kokt og bakt i store porsjonar, litt småskummelt med mørke krokar og svarte vegger. Etter ein kort periode som bad og vaskerom er det no atter ei gamal stove med røykfarga vegger og tak, ljore i taket, peis, himmelseng og bad.
Her har mange generasjonar levd sine liv i glede og sorg så her sit mykje historie i veggene. Eit rom som ikkje finns andre stader.

Straks me har romma ferdige nok vil me leggja ut litt bilete her.

Romma vert leigde ut med frukost, denne vert servert i romantiske omgjevnader i løo, eller halvpensjon.

Me har sendt søknad om å verta med i "De Historiske" og vonar at dette klaffar med det første. Kriteriet for å verta med der er at ein har eit historisk anlegg og høg kvalitet, me meiner me har begge deler.

Skal de til Voss og vil bu standsmessig men i fred og ro kan me kontaktast på 95406135 eller post@storeringheim.no
 

Store Ringheim Hotell

Nytt på Voss -eit lite hotell- ei perle er pussa- slik at ho kan skina for alle igjen.

Me restaurerer gamlahuset attende til fordums prakt og byggjer det om til eit lite, sjarmerande hotell med seks særprega soverom; Stovo, kjøkjen, lemmen, kammerset, øpstelemmen og eldhuset er gamle velkjende navn i huset og desse er no vorte namna på dei ulike romma.

Romma vert ulike, somme stader viser dei solide tømmerveggene medan det andre stader vert tapet og måling, fine skal dei verta uansett og kanskje finast vert eldhuset som er ei gamal årestove frå 1700 talet med mykje historie i røykte vegger og tak med ljore i mønet. Skal ikkje sjå bort frå at her er eit hyggeleg skrømt på lur i krokane:)

Kvart rom får eit vakkert flislagd bad med skifer på golva.

I stille og vakre omgjevnad kan du nyta utsikta og eit godt måltid .

Frukosten vert servert i restauranten i løo, nok ein tradisjonsrik stad.

Kort sagt har me flytta komfort og luksus som ein forbind med eit godt hotell inn i verkeleg historiske råmer i det gamle gardstunet vårt.

Me vonar at gjestene våre set pris på staden og likar seg her.
Her er det både stille og fredleg samstundes som det er sentrumsnært - 5min.med bil og 20 min. gange så er du midt i sentrum.

Me startar med friskt mot

Gamlahuset er tomt og me set i gang med å realisera planane me har for det.
Skal Store Ringheim verta eit ekta gjestetun lyt det sjølvsagt vera ein stad gjestene kan overnatta og det har me tenkt dei skal gjera i Gamlahuset.
Me tenkte i utgangspunktet at det ikkje skulle vera så vanskeleg å få det til for huset såg rimeleg bra ut, men så er det no ein gong slik at mykje rart kan finnast i ei pakke med fint papir..

Vår mann i restaurering, Vidar Hefte, rulla inn i tunet med arbeidsfolka sine og byrja å "pakka ut" pakko og det viste seg snart at det var litt kattar i sekken.
Huset er frå 1860 så det skulle vel berre mangla at det ikkje var eit og anna som måtte bøtast men her vart det litt i øvre leiet.
Me fekk etterkvart same kjensla som ein har i tannlækjarstolen medan ein ventar på resultatet av røntgenbileta..

Her er litt bilete
 

Hotell i særklasse

Me er i gang med å byggja om gamlahuset på garden til eit lite hotell - og det skal sjølvsagt verta eit hotell i særklasse:)
Ikkje som i Fawlty Towers sjølvsagt, og spesielt ikkje med meg som Basil Fawlty - nei, detta skal verta eit verkeleg hotell i særklasse.

Råmaterialet er det gamla hovudhuset på garden som er frå omlag 1860 og den gamla årestova som er frå byrjinga av 1700 talet.
Desse to husa er det så planen å forsiktig restaurera attende til opprinninga så ikkje sjela i husa går tapt.

Deretter vert det laga til eitt rom i stovo og eitt i kjøkjen i første høgda, desse får kvar sitt bad i kammerset. I andre høgda vert det likeeins Det vert også eit spesielt rom i årestovo med litt sota vegger, hol i taket og kanskje eit skrymt i veggen.

Me kallar dette hotell sjølv om det berre er 5-6 rom for me har tenkt å ta med all komfort frå eit godt hotell inn i dette gamla, fattigsleg utsjåande huset og  frukosten vert servert i løo.

Me trur det er ein trend at folk ynskjer ein annan setting enn eit typisk hotell når dei er ute og reiser men at dei ikkje vil gje slepp på komforten i eit godt hotell.
Me vil møta denne trenden ved å ta ut innhaldet i eit godt hotell og setja det inn i vårt autentiske gamle gardstun, på den måten kan våre gjester få med all den atmosfæren som ligg her i det gamle tunet, med dei gamle husa og ei slåande utsikt og samstundes ha full komfort.

Me kjem til å oppdatera dykk her på bloggen etterkvart som bygginga skrid fram og vonar de vil fylgja med og dela med andre.