Slutt på Sommarlunsjen for i år

Forrige helg var den siste i år med lunsjservering hjå oss.

Sommaren er over, desverre - eller kanskje lika greitt slik han har arta seg. Det er nok berre i meteorologiske statistikkar han er varmare enn normalt.

Me hadde ei satsing på lunsjservering i sommar der me serverte enklare, men svært gode, heimalaga lunsjrettar til ein rimeleg pris. Det var forsåvidt ein suksess, ikkje slik at me vart nedrende med folk men dei som kom var svært nøgde både med mat og service.

I motsetnad til dei fleste andre lunsjstader på Voss tek me tingingar og serverer ved bordet slik at lunsjpausen vert ein pause 100% og gjesten slepp å kasta vekk dyrbar pausetid i kassakø.

Nokon økonomisk suksess vart det ikkje men me kjem likevel til å gjera det omatt til neste år, det skal ikkje så mange fleir innom før overskotet er i sikte:) Me vonar at alle som var innom i år tek turen att til neste år og tek med seg alle sine kjende, då har me eit grunnlag for å gjera dette årleg.

Vidare utetter hausten har me vanleg opningstid torsdag til søndag 17.00 - 21.00 for ala carte servering.



 

Kjempegod vegetarlasagna på den nye lunsjmenyen

På den nye lunsjmenyen me lanserte i forrige veke har me mellom anna ein nydeleg vegetarlasagna. Eg er på ingen måte nokon lasagnaelskar og tykte det var litt på kanten å ha dette på menyen hjå oss men ein smak fekk meg til å endra meining, den var altså så god at eg på ingen måte sakna kjøtet.
No ventar eg berre på at Lise (Trollsmed) stikk innom og prøvesmakar og deler ut nokre velfortente "gulrøter" på veggisheimasido si :)
Det er også mykje anna godt på menyen - berre sjå under, suppe denne veka er t.d. gulasjsuppe laga på grytekjøt av elg, også ein sikker vinnar.
Ta turen oppom for ein god og rimeleg lunsj.

Store Ringheim - ei reise verdt!

Lunsj meny

From:    Thursday-Sunday, 12:00 – 16:00, ala carte 17 - 21

            
      1.        Tomat –Mozzarella salat med spekekjøt frå                                           

         Store Ringheim og basilikum/persilleolje.                                                         Kr 120,-

2.     Grønsaksalat med fritert ost og creme fraiche dressing                                    Kr 120,-

3.     Bakt potet med røykt Vossolaks i                                                  

        kvitlauk/cottage cheese.                                                                                       Kr 98,-

4.     Dansk smørbrødtallerken med tre smørbrød; Egg og reker,

 lambarull, roastbeef med remulade, lauk og reddik                                         Kr 145,-

5.     Dagens suppe – spør kelnar.                                                                                Kr 95,-

6.     Heimalaga vegetar lasagna med tomat salsa og                              

        Parmesan ost                                                                                                        Kr 120,-

7.     Varme, kvitlauksgratinerte reker med salat mix.                                            Kr 125,-

8.     Varm, gratinert kjukling med cheddarsaus og salat.                                      Kr 125,-

9.     Club sandwich med kjukling servert med grønsaksalat.                               Kr 115,-

10.  Kjøtbollar med potet-fennikel purèe og grønsaker                                         Kr 120,-

11.    Dagens kaker, spør kelner, servert med iskrem og

              frukttopping.                                                                                                       Kr 75,-

12.  Is frå Alm Gard                                                                                                    Kr 95,-

Epostadresse og hakkefantar

Jorunn sin epost har vorte hakka av nokre lakabadla som brukte ho til å senda epost i hytt og pine, resultatet vart at kontoen vart stengd og er umogeleg å opna att. Det er difor ikkje nokon vits i å senda epost til den adressa og me har stroke ho som kontaktadresse her i bloggen.
Beste måten å koma i kontakt med oss på er pr tlf 95406135 eller epost post@storeringheim.no

Og hugs- ope frå torsdag til søndag, lunsj 12-16 og middag frå 17-21.
Grupper over ti personar kan også tinga middag andre dagar.

Beste lunsjen på Voss:)

Meny veke 26 - ekstremt god:), and paralunch

Då er bygda full av ivrige ektremsportutøvarar og me har laga ein meny som verkeleg kan utfordra smakslaukane så her det berre å hiva seg innom.
Det er og så heldigt at bakkane mine er nyslegne, så om det er nokon som ynskjer det av desse forvaksne løvetannfrøa, kan dei greitt landa på bakkane rett utanføre oss og kosa seg med ein betre lunsj før dei sjogar avgarde att:)

Meny Veke 26 

Forrettar:

Røykelaks med kvit asparges i hollandaise saus

Kr 110,-

Mozzarella salat med spekekjøt frå Store Ringheim.

Kr 95,-

Vegetar bisque suppe med heimalaga brød.

Kr 90,-

Hovudrettar

Indrefilet av lamb innrulla i bacon frå Evanger, servert med skogssoppsaus og grønsaker.

Kr 325,-

Dampa laks med ris, ertepurée og cherrytomater.

Kr 285,-

Dessertar

Sjokoladefondant med bær og hylleblomstsorbet frå Alm Gard.

Kr 110,-

Ostatallerken med tre typar ost, frukt og kjeks.

Kr 110,-

Is frå Alm Gard.

Kr 90,-

Ganefart 2012

Me har meldt oss på Ganefart 2012 , Eit samarbeid mellom Bygdekvinnelaget, Matdepartementet og Innovasjon Norge om å kåra beste matstaden langs vegen.
Eit godt og heilt naudsynt initiativ for å motverka frityreimen langs vegane våre. Her er det lagt opp til premiering av kortreiste, lokale råvarer, lokal mat, god stemning - kort sagt alt du ynskjer å oppleva når du tek ein pause på vegen.

Opplegget er kort sagt at gjestene kan stemma på den matstaden dei tykkjer fortener det, den som får mest stemmer får publikumsprisen. Men det er også ein fagjury involvert, denne skal kåra den beste staden på bakgrunn av rapportar frå anonyme inspektørar som kjem innom alle påmelde og et som vanlege gjester.
Litt spooky dette, nesten som om inspektørar frå Guide Michelin er ventande. Me får vona dei vert nøgde med mat og atmosfære her hjå oss.

Og de, våre kjære gjester, kan hjelpa oss ved å stemma om de er nøgde med opplevinga her oppe, me set pris på all hjelp :)

Vår lunsjmeny-mmmmmmmmmm:)

Her er omsider lunsjmenyen vår, på høg tid sidan første dagen er i morgon:)
Mykje godt her som de ser.
Lunsjen vert servert i ei uformell atmosfære inne i storesalen eller ute på terrassen. For å utnytta lunsjpausen til mat og prat kan maten tingast på førehand på tlf 95406135 - ingen kassakø og venting.
Og alt er av vanleg god Ringheims kvalitet - laga frå botnen med vekt på god smak!
Detta må berre prøvast.
Det ser litt rotete ut når eg limer inn men eg vonar det er forståeleg.

Lunsj meny

From:    Torsdag-Sundag, 12:00 – 16:00        

1.       Kjukling i avocadosalat med balsamico/senneps dressing Kr 120,-

2.     Cæsarsalat med steikte tigerrreker og ansjossaus.    Kr 130,-

3.     Dansk smørbrødtallerken med tre smørbrød; Egg og reker,

 lambarull, roastbeef med remulade, lauk og reddik          Kr 145,-

4.     Dagens suppe – spør kelnar.                            Kr 95,-

5.     Vegetar Pasta Penne                                Kr 95,-

6.     Varme, kvitlauksgratinerte reker med salat mix.      Kr 125,-

7.     Varm, gratinert kjukling med cheddarsaus og salat.          Kr 125,-

8.     Club sandwich med kjukling server med grønsaksalat.     Kr 85,-

9.     Dagens kaker, spør kelner, servert med iskrem og

frukttopping.                                            Kr 75,-

10.  Is frå Alm Gard                                         Kr 95,-

Beste lunsjen på Voss?

I sommar vil me frå torsdag 14.06 og ut august ha ope for lunsj torsdagar til søndagar i tidsrommet 12.00 til 16.00.

Dette vert i ein meir uformell setting med servering ute på terrassen og inne i storesalen om det regnar. Me vil servera ein fast meny av smårettar og suppe, alt velsmakande og laga frå grunnen.
Litt spanande detta om me klarar å lokka Vesser og turistar bort frå støv og bråk på Vangen opp til oss for ein god lunsj i flotte og rolege omgjevnader.

Me ligg berre ein tre minutt biltur unna med gratis parkering så det burde vera innan rekkevidde.
Gjestene kan også ringa på førehand og tinga maten så den er klar når dei kjem, det er ikkje moro å bruka lunsjen til å stå i kafekø:)

Ta turen og prøv :)

Buddha sin fødselsdag

Buddha sin fødselsdag!
Buddha sin fødselsdag kjem i år på andre pinsedag, ein heilagdag i kristendomen, men me vil feira han likevel.
Buddha sin fødselsdag var ein av dei store merkedagane i tempelet Gul Gulsa der Svein Ivar heldt til i 6 år, no vil han vidareføra denne fine tradisjonen  i sitt nye liv her i Noreg. Det vert sjølvsagt ikkje same festivitasen her som i tempelet men alle dei viktigaste ritane er med.
Vil de oppleva litt ekte Buddhisme så kan de ta turen oppom og vera med på bøna og fødselsdagsritualet, dette er gratis men det er høve å gje ein skjerv til utbreiinga av den Buddhistiske læra her på Voss.
Me vil også laga til Koreansk mat, og det skal vera ein te seremoni, desse kostar litt men er absolutt innan rimelegheita sine grenser (sjå lysing)
Ta turen oppom og ta del i ei lære som aldri har starta ein krig!

Buddha sin fødselsdag!


Me feirer Buddha sin fødselsdag på mandag 28.05

1600 ankomst

1630 Zen talk

1710 middag, Koreansk mat, kr 350,-

1820 meditasjon bön

1900 buddha sin fødselsdag rituale, offer til utbreiing av Buddhismen

1930 te seremoni, kr 150,-

Hjarteleg velkomne til Buddhistar og andre

17 mai meny og meny veke 20

Då har me omsider menyen klar for 17. mai og resten av veka.
Me har som sagt vald å ikkje ha buffet men ein god a la carte meny. Mykje god mat her så ta gjerne  turen oppom for ei fin avslutting på den store dagen.

Meny veke 20

Forrettar

Tomat og Mozzarella salat med Store Ringheim spekekjøt og pesto.

Kr 100,-

Nordafrikansk lambasuppe med heimelaga brød.

Kr 90,-

*

Hovudrettar

Langsteikt lambafilet med krydderpoteter og raudvinssaus.

Kr 310,-

Steikt kvitfisk med pesto og grøne linser i kvitvinssaus.

Kr 275,-

*

Dessertar

Heimalaga creme brulee

Kr 95,-

Ostatallerken med 3 typar ost, frukt og kjeks.

Kr 110,-

Is frå Alm Gard

Kr 90,-

17. mai

Me har omsider bestemt oss for å ha ope på 17. mai i år. Me ligg eitt stykke utanføre sentrum der feiringa av dagen går føre seg på dagtid så me opnar ikkje før på ettermiddagen, kl 16.00 for å vera korrekt.

Me ser at dei fleste konkurrentane satsar på spekemat og buffet, difor satsar me litt annleis og har a la carte meny med kanskje litt nasjonale innslag - me får sjå, menyen vert publisert litt seinare i veka, den er ikkje ferdig enno.

Har det vore ein hard dag i sentrum med tradisjonell blest og regn eller ein varm dag i bunaden så vil det uansett vera godt å ta seg ein tur til oss om kvelden, eta eit godt måltid med litt god vin eller godt øl og lata oss pusla om dekan.

Ring 95406135 og ting ei perfekt avslutting på dagen.

Hipp hipp :)

Meny veke 19

Då er menyen klar for denne veka og såvidt eg ser så er det absolutt verdt ein tur opp hit for ein triveleg kveld med god mat.
Me har ope frå kl 17.00 til kl 22.00 fredag og laurdag på kjøkenet og så lenge det er folk i puben eller til maks 02.30. Søndagen opnar me kl 15.00 og har ope til kl 20.00 med matservering og litt lenger i puben.
Ta turen då vel :)

Meny veke 19

Forrettar

Kylling og aspargessuppe med kokosmjølk

Kr 95,-

Grønsaksalat med steikt geitost og dressing

Kr 95,-

Hovudrettar

Langsteikt fårefilet, bakt potet med kvitlauksmør, raudvinssaus og grønsaker

Kr 310,-

Dampa kvitfisk med grønsaker og grøne linser servert med sjømatsaus

Kr 285,-

Dessertar

Heimalaga Tiramisu

Kr 110,-

Ostatallerken med tre typar ost, kjeks og frukt

Kr 110,-

Is frå Alm Gard

Kr 90

Meny veke 16

Me har ny meny!
Mykje godt her om de tek turen oppom. Me har ope fredag - søndag 17.00 - 22.00 (15.00 - 20.00) puben så lenge det er folk inntil 02.30 :)

Meny veke 16

 Forrettar:

Oksecarpaccio med ruccola, Parmesan ost og ansjosolje.

Kr 110,-

Sjømatcocktail, kamskjel, scampi og reker i salatmix.

Kr 110,-

 Hovudrettar:

Langsteikt hjortafilet, potet/fennikel purée, grønsaker og skogssoppsaus.

Kr 330,-

Steikt laks med pesto, potetpai, grønsaker og sjømatsaus.

Kr 280,-

 Dessertar:

Sjokoladefondant.

Kr 90,-

Ostatallerken med tre typar ost, frukt og kjeks.

Kr 100,-

Is frå Alm gard.

Kr 90,-