Valentindagen og morsdag

Me har bestemt oss å gjera litt stas på mødrene på sundag, alle mødre som kjem i saman med familien betalar halv pris på maten - og me tek oppvasken. Dermed skulle alle argument imot å ta med mor og eta god mat på sundag vera daude og makteslause :)
Menyen står i innlegget under dette - mykje godt å velja mellom som de ser.

Valentin dagen er også ei feiring verdt. Det er noko besnærande med dette konseptet med å senda hemmelege Valentin kort til sin hjartans kjær og vona på det besta.
Me vil ha ope denne dagen sjølv om det no er ein vanleg tysdag. Me har laga ein retteleg romantisk middagsmeny som de ser nedanføre.
Det vil eg gjerne sei til alle som vil gleda sin/ si kjære, eit kort eller litt merksemd på Valentin dagen vil gleda den utkåra i lang tid framover.
Me ser sjølvsagt helst at de finn på å ta ein romantisk kveld her hjå oss, men om ikkje det klaffar så gjer noko likevel og hjelp til å laga ei betre verd :)

Valentin meny

Forrett:

·         Pannesteikte chilimarinerte tigerreker, server med                 Kr 100,-       

mango – gulrot salat. 

Hovudrett:

1.    Ovnsbakt torsk med pesto, server med smørbakt grøn asparges,    Kr 275,-

søt potet puree, og heimelaga hollandaise saus.

2.    Lambafilet med hasselback poteter, steikte grønsaker og     Kr 310,-

myntesaus. 

Dessert:

3.    Heimalaga sjokolade trøflar                                             Kr 95,-

Ekta Vossamat

I menyen for denne veka har me ekta Vossamat med innslag frå Granvin på menyen. Darius ville gjerne læra seg ein typisk lokal rett så eg tenkte at den maten som var mest vanleg her på garden når eg vaks opp kunne passa. Og retten er Røykjekjøt og korv med grynasupan.
Me har rikeleg med røykjekjøt etter pinnakjøtproduksjonen og me har god korv frå Skåramat i Granvin (men på grenso til Voss, he, he). Me kokar kjøtet i lag med erter, lauk og gryn i minst tre timar så legg me oppi korven så han får trekkja i minst ein halvtime før retten er ferdig. Me tek ein liten vri på potene og lagar ei god stappa med fennikel og så har me sjølvsagt nepestappa til - mmmmmå berre smakast :)

Her er menyen:

Meny veke 6

Forrettar:

1.      

Rakaure, servert på flatbrød med hakka løk, blanda salat og aure kaviar.

2.      
Frisk grøn salat med steikt krydra mozzarella ost, basilikum dressing.

3.      
Leiren laks med asparges, servert med hollandaise saus og raud kaviar.

Hovudrettar:

1.      
Dampa kvitfisk, servert i kraft med grønsaker, spaghetti nudler og sitron gras.

2.      
Røykjekjøt frå Store Ringheim, Skårakorv, servert med fenikkel potestappa og kålrotpuree i kraft med gule erter og gryn.

Dessertar:

1.      
Alaska dessert, servert med frukt og bringebær saus.

2.      
Ostatallerken (3 slags ost, frukt, kjeks)

3.      
Is frå Alm Gard

Opninga 2012

Ikkje alt for mange gjester let seg freista av ein fin kveld med god mat, men dei som kom let vel og hadde det hyggeleg.

Me byrja med champagne til aperitif og eit bugnande bord med småmat og frukt.

Det var litt tapasrettar, ostefat, stort fruktfat og eit par rettar frå Korea som svigerdottera vår laga til.

Dette vart runda av med ein demonstrasjon av ein Bhuddistisk te seremoni. Ein slik seremoni er mellom dei tinga Svein Ivar kan tilby her til grupper som vil ha litt sjelero og meditasjon.

Som dei fleste veit så er det ikkje noko slikt som ein fri lunsj så gjestene måtte finna seg i at eg fortalde litt om kva tilbod me vil ha utover året.

Kortversjonen lyder slik:

• Open restaurant for A la Carte servering fredag til søndag
• Ofte skifting av meny
• Temakveldar (Morsdag, Valentine, Fastelaven, Rakfisk, Skrei, Smalahove osb)
• Konsertar, Voss Jazzskule, pubkveldar, visekveldar og om andre vil nytta lokala våre til konsertar.
• Kurs, konferansar, møte - ta kontakt så lagar me råmene rundt etter dykkar behov
• Matfilosofi - All mat laga frå grunnen av mest mogeleg lokale råvarer, god smak i høgsetet, kreativt kjøkken - mat hjå oss skal vera vanskeleg å finna andre stader.
• Brudlaup, dåp, gravferd, høgtidsdag osb - ta kontakt med oss så lagar me råmene rundt dykkar dag etter dykkar behov.
• Venegrupper, firmasamlingar, uformelle lag- ta kontakt så lagar me råmene rundt etter dykkar behov
  
• Galleridrifta vil halda fram med nye kunstnarar i utstillinga.

Etter denne vesle presentasjonen heldt Olav Undeland ein fin konsert med blues musikk frå 20-30 talet ispedd historiar om artistane og innhaldet i songane.

Programmet var ferdig ca 21.00 men me vart sitjande og prata og kosa oss i nokre timar til.

Ein hyggeleg kveld!

Opning 2012

Nedanføre kjem invitasjonen til å vera med på opninga for 2012. Me vil gjerne bed alle som har lyst til å vera med på ein koseleg kveld med god småmat frå kjøkkenet, litt informasjon frå oss og Svein Ivar om kva me har tenkt å tilby utetter året før me rundar av med ein times konsert med Olav Undeland og hyggeleg samvere utetter kvelden.
Me har avgrensa med plass så me må ha påmelding innan torsdag - først til mylne prinsippet så det er neppe lurt å drøya..

Opning 2012

Fredag 3. februar kl 18.00

Program:

Aperitif

Buffet med smakebitar frå Store Ringheim

og

Smakebitar frå Korea

Informasjon om tilboda frå Store Ringheim 2012

Informasjon om tilboda frå Svein Ivar Ringheim 2012

Demo av Bhuddistisk Te Seremoni

Konsert med Olav Undeland 

pris kr 100,- 

 Påmelding på tlf 95406135 eller post@storeringheim innan torsdag 2. februar. Avgrensa med plassar så først til mylne prinsippet gjeld J

Meny veke fem

Her kjem menyen for veke fem, mykje godt her og :)
På fredag vert det opning så då er det ikkje a la carte, men meld dykk på opninga, den vert ei fin avslutting på veka.

Meny veke 5

forrettar:

1.    
Tunfisk mousse, servert med urtesaus, reker og blanda salat.              Kr 110,-

2.    
Cæsar salat med steikt kylling, og heimelaga majones.                          Kr 100,-

3.    
Bisquit tomatsuppe med feta ost, servert med heimalaga brød.            Kr 90,-

Hovudrettar:

1.    
Dampa Salmalaks med grønsaker i hvitvin saus med reker, servert       Kr  280,-

      med steikt ris.

2.    
Kjuklingrudlar med asparges og bacon, servert med potemousse           Kr 260,-

      og karrisaus.

3.    
Spaghetti "Capellinni" med tomat og basilikum olje, servert med          Kr 190,-

     "Granna Padano" ost.

dessertar:

1.    
Sjokoladekaka, servert med vaniljesaus, iskrem og bær.                      Kr 100,-

2.    
Ostaplata (3 slags ost, frukt, kjeks)                                                     Kr 110,-

3.    
iskrem få Alm Gard                                                                               Kr 90,-

Offisiell opning 2012

Neste fredag skal me ha offisiell opning på tilboda våre for 2012. Me vil ha musikk, små smakebitar frå kjøkkenet (fingermat), informasjon om tilboda våre osv. Me kjem attende her med fullt program så snart det er ferdig, også med invitasjon om å delta. Me skal prøva å laga program for ein triveleg ettermiddag - kveld her på Store Ringheim og vonar at folk vil møta opp og at planane våre for 2012 fell i god jord.

NM

Då nærmar det seg NM i nordiske greiner her på Voss, mykje styr og mykje folk.
Me ligg ikkje akkurat i sentrum av Voss men me vonar det dryp litt på oss og. Me vil prøva å setja ut litt skilt og plakatar på strategiske stader og har ope frå torsdag for a la carte.
Me meiner i alle fall sjølve at me ville vera den perfekte staden å eta og kosa seg etter ein lang dag på NM.
Stikk innom frosne tilskodarar - me skal varma dykk :)

Litt drahjelp?

Det hadde vore til svært stor hjelp for ei nystarta lita verksemd om de som les denne bloggen hadde delt innlegga på Facebook om de synest det er noko andre kan ha nytte av - slik som menyane våre etterkvart som me publiserer dei. Enkelt er det og - berre trykk på ikonet for del dette på Facebook under innlegget eller oppe til venstre så ordnar det seg.
Me hatar å masa men me har avgrensa ressursar til marknadsføring og kommunikasjon og ser på dette som ein glimrande måte å nå ut til folk på...men då må de hjelpa til litt :)

På førehand takk :)

Ny bruk av gamle bygg

Eg var i Salhus i forrige veka og held eit lite foredrag om løa vår under eit møte om ny bruk av gamle landbruksbygg. De kan lesa referat og finna linkar her

Meny veke 4

Me vil endra meny på vekebasis no framover, menyane vil me publisera her. Gjer oss ei stor teneste og del dette på dykkar facebookprofil - me treng gjester :)

Meny Veke 4, 2012

forrettar:

1.      

Roastbeef med ovnsbakt eple, servert med kremet

chili saus, ristet brød, rucolla salat.          Kr 105,-

2.     

Tomat og mozzarella ost salat, med serranoskinka,

servert medbasilikum-eddik dressing.               Kr 95,-

3.     

Spicy lambasuppe, servert med heimalaga brød. Kr 85,-

 
Hovudrettar:

1.   
Dampa torskefilet med rissling, grønsaker og

sesamfrø, servert med grøne linser.          Kr 250,-

2.  
Lambafilet filet bakt i ovn, servert med poter og

pastinakkmousse, dampa cherrytomater og               Kr 310,-

mynte saus.                    

3.  
Penne Pasta med kjukling, grønnsaker og kremet

saus, servert med Grana padano ost.         Kr 190,-

Dessertar:

1.   
Eplekaka med valmuefrø, servert med vaniljesaus

og iskrem.                                       Kr 100,-

2.  
Ostaplate (3 slags ost, frukt, kjeks)         Kr 110,-

3.  
Iskrem frå Alm Gard                               Kr 90,-

Ny kokk :)

Då har me ein ny kokk på gang, han heiter Darius og kjem frå Litauen. Heldigvis snakkar han godt engelsk så det går bra.
Av 20 søkjarar var det ingen Nordmenn, men eit rikt utval frå heile Europa. Greitt nok det - dei er retteleg flinke å laga mat der og :)
Darius har lang røynsle frå ulike stader, mellom anna 4 år i Danmark på kro så det skal verta mykje spennande som kjem herifrå i tida framover.
Prinsippa ligg framleis fast - alt frå botnen og topp råvarer helst så nær ifrå som mogeleg. Me opnar no til å byrja med dagane fredag - søndag for a la carte. Fredag og laurdag frå 17.00 - 22.00 og søndag frå 15.00 - 20.00. Puben er sjølvsagt open lenger så om nokon vil kosa seg utover natta etter maten er det heilt fint :)

Reportasje frå Store Ringheim i bladet Rett Hjem

I magasinet Rett Hjem som dukka opp i posten i dag er det ein fin reportasje frå Store Ringheim.
Sjå denne linken.
Mykje fine bilete og til glede for dykk som tykkjer me har vore litt sparsame med det :)